رطبي بشرتك بكريم من صنع إيديكي

04/28 12:50

أهلا بكل بنات "قمر14"، وحشتوني جدا وأنا عارفة إنكم مستنيين الحلقات الجديدة، بس أوعدكم إن قريب جدا هتلاقوا مفاجآت جامدة جدا..

حلقتنا النهارده استثنائية ومميزة جدا بمناسبة عيد الأم، علشان كده إحنا النهارده بنقول لكل أم مصرية وعربية كل سنة وإنتي طيبة، وهنحاول نقدم لها هدايا بسيطة من الكريمات والماسكات..

الكريم ده بيناسب أصحاب البشرة العادية والجافة والحساسة.

3 أو 4 ملعقة صغيرة شمع عسل النحل مبشور

2 ملعقة صغيرة زيت جنين القمح

3 ملعقة صغيرة زيت اللوز الحلو

2 ملعقة صغيرة زيت جوز الهند

3 ملعقة صغيرة زيت اللوز المر

5 ملعقة صغيرة زيت سمسم

3 ملعقة صغيرة زيت زيتون

½ ملعقة صغيرة عسل نحل

اخلطي كل الزيوت مع بعضها في وعاء، وحطّيه في حمام مائي على النار، وقلّبيهم مع بعض كويس جدا، وبعد كده ضيفي عليهم شمع عسل النحل المبشور، والحرارة هتخلّي الشمع يسيح.

بعد كده صبّي الخليط في عبوة زجاجية وسيبيه يبرد، هتلاقيه بقى زي الكريم، وتقدري تستخدميه كل يوم مرتين الصبح وبالليل على بشرة نظيفة تماما.

شمع العسل بيكون لونه زي لون المستردة، لو لقيتيه أصفر غامق يبقي مش كويس.

ماسك النشا والليمون لعلاج مشكلة المسام الواسعة

تاني ماسك معانا هيكون لتفتيح الجسم والبشرة وعلاج مشكلة المسام الواسعة، وتقدري تستخدميه للأماكن الحساسة وتحت الإبط..

3 نقط زيت ورد أو ماء ورد

ضعي مكونات الماسك وقلّبيهم كويس وحطّيهم على الوجه بالكامل حتى منطقة العيون.

وتقدري تستخدمي الماسك ده بطريقة تانية، ودي بتكون مفيدة أكتر:

1- اعملي مساج لبشرة وجهك وجسمك بالليمون في اتجاه واحد من أسفل إلى أعلى اتجاه القلب، وبالنسبة للإيد اعملي المساج في اتجاه دائري، وسيبيه على بشرتك من 3 : 5 دقائق.

2- هاتي بخاخة فيها ميه عادية أو ماء ورد، ورشّيها على الجسم كله، وبعد كده وزّعي النشا زي البودرة على بشرة وجهك وجسمك، وسيبيه لمدة 3 دقائق، وبعد كده افركيه من على بشرتك، وسيبي جسمك يرتاح لمدة 3 دقائق، وبعدين اشطفي وجهك وجسمك بالمية العادية.

3- ادهني وجهك وجسمك بعسل النحل بفرشاة الصبغة بالاتجاهات اللي قلناها قبل كده، واتركيه لمدة 5 دقائق، وتقدري تستخدمي الماسك ده على وشك مرتين أو ثلاثة في الأسبوع، وبالنسبة لجسمك ممكن تعمليه كل يوم.

ماسك الحلبة مغذي ومجدد لخلايا البشرة

ملعقة صغيرة لبن بودرة أو سائل

لو بشرتك جافة استخدمي لبن كامل الدسم، أما لو بشرتك مركّبة أو دهنية استخدمي لبن خالي الدسم.

اخلطي كل مكونات الماسك مع بعض، وضعي الماسك على وجهك واعملي بيه سنفرة، ثم ضعي كميات منه على الأماكن التعبيرية في وجهك زى الجبهة وبين الحواجب وحول الشفايف، وسيبيه لمدة نصف ساعة أو ساعة إلا ربع، وبعد كده اغسليه بالمية، وممكن بعدها تمسحي وشك بزيت اللوز المر للتفتيح لو بشرتك دهنية، أو زيت سمسم لو بشرتك جافة، أما لو سنك فوق 35 سنة ممكن تستخدمي زيت جنين القمح.

هدية بسيطة من صنع إيدك

1- هاتي ½ متر شريط ستان أي لون وحطّي على طروفة المقصوصة مانيكير شفاف علشان الستان مايطلعش فتل زيادة، وبعد كده هاتي وردة صغيرة والزقيها في الشريط الستان، وهتبقى عاملة كأنها عقد صغير.

الفكرة دي بسيطة وسهلة وممكن تعمليها مع أطفالك علشان يقدّموها لك كهدية بسيطة في عيد الأم ويحسّوا إنهم قدّموا لك حاجة مميزة.

 وبكده تكون خلصت حلقتنا النهارده..

استنونا في الحلقة اللي جاية..

وكل سنة وكل أم طيبة

السلام عليكم يارونى يارب تكونى فى احسن حال قريت عن حمام كريم طبيعى بجوز الهند وياريت تقوليلى كويس اعملة ولا لا كوباية كبيرة جوزهند وكوباية كبيرة مية مغلية نحطها عليه ونسيبهم نص ساعة وبعدها نضربهم كويس في الخلاط ونصفي الخليط ده بقطعة قماش قطن نظيفة واللى هيتصفى نحطه في التلاجة لمدة مثلا 6 ساعات او يمكن اقل ونستخدمة كحمام كريم ياريت الرد عليا وشكرا ياقمر على تعبك معانا

صديقتي العزيزة الطريقة ديه كويسة ممكن تستخدميها مفيش مشكلة

روني هوا كريم بلوب واكس دة حلو للشعر ويستخدم ازاي لان مش مكتوب عليه واسيبو اد ايه ع شعري وبعدين اغسلو

صديقتي العزيزة كريم بلوب واكس كويس ممكن تستخدميه، بس الأحسن إنك تستخدمي وصفات طبيعية لأنك مهما طالت المدة في إستخدامها مش هتضرك لأنها طبيعية

انا بعاني من خطوط بيضاء و سلوليت انا وزني 68 و طولي 160 بس الخطوط البيضاء كتيرة اوي و في اماكن مختلفة انا بستخدم ايفا كولاجين فيرمنج جل للسلوليت بس لقيت في خطوط لونها قرمزي فا انا خايفه من الجل ده ليكون عملي تشققات تاني الخطوط البيضاء دي عملالي قلق جامد و خصوصا انا قربت اتجوز

صديقتي العزيزة ده لينك فيه ماسك لسان البحر لعلاج الخطوط البيضاء ممكن تستخدميه

ممكن يارانيا تقولي لي عن صابون للبشرة الجافة انتي عملتيها لنا

والفازلين بالكركم امتى نحطها على بشرتنا ونغسله بعد كم مدة

وشكرا جزيلا لك انتي دائما معطاءة وكريمة لنا جزاك الله خيرا

صديقتي العزيزة أي صابونة بزيت الزيتون بتكون كويسة للبشرة الجافة، والفازلين بالكركم استخدميه علي بشرتك مرة واحدة يوميا بالليل كل يوم لمدة 3 شهور

سلام عليكم ازيك استاذه رانيا مرسى ليكى لانك مش بتسيبى حد غير ماتردى عليه وتديلو حل لمشكلته انا كان عندى سؤال لحضرتك انا كنت بعتلك قبل كدا عشان استعمل ليكوسيد ف منطقة بين الفخدين وحصلى التهابات كبيره وانا استعملت فزلين بس الحمد لله الالتهاب والاحمرار خف ولما خف لقيت المنطقه اللى كانت ملتهبه دى فاتحه ولونها ميل لانها كانت مقشره والحته اللى مش قشرت دى غامقه ذى ماهى هل ممكن استعمل ليكوسيد تانى عشان يكون اللون موحد بس خايفه من الالتهاب تانى بليز ممكن تنصحينى بس انا عاوزه استعمل الكريم لانه بجد نتيجته جميل انصحينى يارونى عشان اكمل

صديقتي العزيزة انتي ممكن تستخدمي الماسك اللي في اللينك ده لتوحيد لون البشرة هيكون مناسب ليكي

بالنسبة لماسك الزبادي للتفتيح اللي هوة (زبادي ونشا وزيت ورد او مية ورد ومية)انا بشرتي مركبة ولما عملت الماسك دة بينشف بسرعة على بشرتي في اقل من 10 دقايق وحضرتك قولتي نحطه لمدة ساعة فانا مش عارفة هوة ليه بينشف بسرعة قوي كدة وكمان نشف بشرتي عند منطقة حول الفم هل الماسك دة مش مناسب لبشرتي ولا ايه؟

صديقتي العزيزة مقادير الماسك 2 ملعقة صغيرة زبادي ¼ ملعقة صغيرة زيت ورد وملعقة كبيرة نشاوملعقة ميه صغيرة مش مية ورد، استخدميه بالمقادير ديه ولازم تحطي الزيت

بالنسبة لماسك زيت جوز الهند وخل التفاح بكميات متساوية اللى حضرتك عملتيه لعلاج القشرة يتعمل كل يوم عادى ولا مرتين بالاسبوع ؟ وكمان انا عندى وصفة لفرد الشعر عبارة عن فنجان سمسم محمص مطحون وعلبة زبادى ومعلقتين مايونيز ويتم تركه ساعة ايه رايك ؟

صديقتي العزية انتي ممكن تستخدميه كل يوم لمدة 5 أيام وبعد كدة ممكن تستخدميه مرتين بالأسبوع، بالنسبة للشعر مفيش حاجة أسمها بتفرد الشعر هي ممكن تغذيه وتنعمه ومكونات الماسك كويسه ممكن تستخدميها

انا ينفع استخدم محلول خل التفاح للقشرة كل يوم ولا غلط ؟ اللى هو عبارة عن كميات متساوية من خل التفاح الماء العادى لان انا عندى قشرة بالاضافة لمسكاتك ولا يعمل حساسية للفروة؟

صديقتي العزيزة خل التفاح لوحده ممكن ينشف الشعر، انتي ممكن تستخدمي كميات متساوية من زيت جوز الهند وخل التفاح وتحطيها على جذور شعرك لمدة نصف ساعة

فى وصفة لفرد الشعر عبارة عن 2 معلقة مايونيز ومعلقة زيت زيتون وصفار بيضة ايه رايك فى الماسك دة ويتم وضعه على الشعر لمدة ساعة هل الماسك دة كويس لفرد وتنعيم الشعر؟ ويتم وضعه على الشعر بالكامل ولا الجذور فقط ؟ وكمان ساعة كويس؟

صديقتي العزيزة مكونات الماسك كويسة ومغذية للشعر ممكن تستخدميها مفيش مشكلة، وممكن تحطيه على الشعر بالكامل، وساعة كويسة وبعدها اغسليه

شورى يا رونى انا اسالتى فى الموضوع دة كتير بس علشان بحب التاكيد دلوقتى فى نوعين من حمام كريم بانويل النوع الاول بالمشمش والنوع الثانى بجنين القمح استخدم ايه بقى ؟

صديقتي.. استخدمي النوع المناسب مع نوع شعرك

سلام استادة رانية من فضلك عاوزة ي حاجة تهدي الاحمرار و الحكة بتاع الاكزيما بليز ساعديني بما انك خبيرة باللعشاب انا زرت دكاترة اوي بس ما فيش فايدة وربنا يحفظك ويحفظ مامتك و ميرسي اوي

صديقتي العزيزة مشكلات الأمراض الجلدية لازم تعالجيها عند الدكتور

من فضلك يا استاذه رانيا انا بشرتى مركبه وكنت بستعمل زيت اللوز الحلو بعد مابعمل ماسك لبشرتى بس عرفت ان زيت اللوز المر افضل لنوع بشرتى هل دا صحيح ؟ بس قريت ان زيت اللوز المر بيحتوى على بعض السموم وفى ناس مش بتفضل استخدامه على البشره هلى المعلومه دى صحيحه ؟ واستعمل اى نوع زيت فيهم؟ وشكراااا جزيلا :)

صديقتي العزيزة زيت اللوز الحلو هو المناسب لبشرة الوجة أكثر من زيت اللوز المر

رانيا امتى هنشوفك وحشتينا قوى هاسالك كام سوال1 لما باعمل سويت باحس ان الشعر لم يزال من الجدور فكانى ما عملتش حاجة ياريت تعرفينى لية واية الحل 2 انا شعرى خفيف وماشية ع نظام الزيت الخماسى مرتين بالاسبوع لانى ماتحملتش الزيت الثلاثى ابدا ووسط الاسبوع زيت الخروع وصفار البيض وسط الاسبوع دة كويس عشان شعرى يتقل 3ياريت تعملى كريم مرطب للبشرة الدهنية

صديقتي العزيزة ممكن تكوني بتستخدمي السويت غلط، ده لينك فيه طريقة إزالة الشعر وتقليل نمو الشعر ممكن تستخدميه

وبالنسبة لشعرك الأحسن تمشي على الزيت الخماسي الول علشات تلاحظي النتيجة وبعد كدة ممكن تستخدمي الروتين ده مفيش مشكلة

بليز رانية ايهرايك في كريم اسمه وجه القمر للدكتور اسامة الحجازي و ميرسي

صديقتي العزيزة المفروض تعرفي مشكلة بشرتك الأول وبعد كده تستخدمي الكريم او الماسك المناسب، لكن الأحسن إنك تستخدمي كريمات وماسكات طبيعية

لما احط زيت على شعري اسيبه كم ساعة وبعدين اغسله

صديقتي العزيزة كل وصفة بيكون مكتوب فيها المدة بتاعتها لأن كل الوصفات غير بعضها

ازايك يا رانيا انا بشرتى دهنيه وفيها حبوب كتير بس مش دمامل الحمد لله وبستخدم الخميره والعسل زى ما قولتى وبشرب خميره مرتين فى الاسبوع ممكن اعمل ماسك الليمون والنشا للمسام الواسعه مع الخميره والعسل وشكرا ليكى يا قمرى

صديقتي العزيزة ممكن تستخدمي النشا والعسل مفيش مشكلة بس مش تحطيهم على بعض

اولا السلام عليكم رنيا بليز يا قمر14 انا فرحي بعد اربع شهور وعيزه افتح الاماكن الحساسه وانا بعد استخدام السويت في منطقه البيكيني بيطلع حبوب ومش بيكون ناعم وانا اعصابي تعبه وعيزه حاجه مضمونه وحلها سريع وانا بعد استخدام الفتله علي الوجه بيظهري حبوب كتير وعيزه ليه حل وشعري ضعيف جدا وخفيف جدا بعد استخدام الصبغه والمواد الكيماويه عيزه حاجكه اغزي بيها شعري بسرعه واغير لونه من غير صبغه واطوله من غير تقصف او قشره بس بسرع وعيزه حل لمنطقه البيكيني وحل لمشكله والوجه وعيزه طريقه لازاله الشعر في المنطقه البيكيني من غير الم ومرسي جدا لنصيحك بس ارجوكي حل سريع عشان انا زهقت من الشهر والشهران حل سريع وسهل وممكن اوجده في اي مكان بليز ومرسي جدا بصراحه انتي الله اكبر عليكي والله مش بحسدك بس نفسي شعري يبقه زيك ربنا يحميكي يارب

صديقتي العزيزة ده لينك فيه طريقة السويت باللافندر ممكن تستخديها

وبالنسبة لوشك ممكن تحطي لبن مثلج بعد الفتلة، وده لينك فيه ماسكات طبيعة لتغذية الشعر

يا استاذة رانيا ايه رايك بعمل صابون بالعسل وحليب بودرة وبصابون

الجلسرين وزيت اللوز المر لبشرة الوجه هل بينظف ويفتح .. ارجو الاجابة

صديقتي العزيزة مكونات الصابونة ديه كويسة بس أنتي ممكن تستخدمي زيت اللوز الحلو هيكون أحسن، بس جربي الصابونة الأول على منطقة صغيرة علشان تعرفي هي مناسبة لنوع بشرتك ولا لأ

أستاذه رانيا ياجميله لو سمحتى فهمينى أنا دلو قتى بشرتى لو نها مش مو حدو عندى هالات و عايزه اعمل ان شاء الله الصابو نه الثو ريه لقيت صابو نه جلسرين الحمدلله و صابو نه غار بزيت الزيتو ن أنا فاهمه الطريقه بس عايزه اعرف بعد مااحط الميه و تسخن و اضيف الزيو ت بعدين الجلسرين بعدين صابو نه غار بعدين الطمى اللى ذوبته بشو يه ميه بعدين الترمس بعدين العسل كده صح ياأستاذه رانيا و جزاك الله خير

صديقتي العزيزة ده لينك فيه ماسكات لتفتيح الهالات السوداء

وبالنسبة للماسك كده كويس والطريقة ديه صحيحة

*شعرى مركب جزء ناعم وجزء عادى وهايش شويه مش عارفه

انا بستخدم شامبو للبشرة الدهنيه هل ده صح ولا لا

*وعندى مشكله لما بغسل شعرى بيبقى فيه ريحه مش كويسه ياريت يكون ليه حل *وعندى مشكله تحت الابط مضايقانى بيكون فيه زى لون اخضر خفيف مكان الشعر قبل وبعد ازاله الشعر فكنت عايزه حاجه تضيع اللون ده وشكرا يارانيا

صديقتي العزيزة بالنسبة لشعرك أستخدمي شامبو للشعر العادي مش الدهني،

و ده لينك فيه ماسك الكركم والفازلين ممكن تستخدميه لمنطقة تحت الإبط

وبالنسبة لشعرك ممكن تستخدمي مكعبات المسك والعنبر وتمشيها على شعرك،

يا رونى انا كل ماافتح لينك الفازليين بالكركم بيجبلى ماسك الفازلين بالزيوت العطريه وبس مش بيجيب طريقه الكركم رجاء تكتبلى اللينك اللى فى طريقه الكركم

صديقتي العزيزة ده لينك الفازلين بالكركم

رونا بجد مش عارفه اشكرك ازى انا بحبك اوى معلش هسالك على الحنه انتى عملتى حنه بالكاكاو وقولتى انه بنى وفى حنه تانى عملتيها بالشاى والقرفه وكركديه وروزمارى والحلبه المطحونه وقولتى انه بنى فهل فى فرق فى الدرجه ولو انا عاوزة شعرى يكون بنى فاتح اعمل ايه وينفع اضيف عليها زبادى علشان شعرى جاف شويه ولا تاثر على اللون ومعلش الاعشاب اللى قولتى نغسل بيه الشعر ايه هى وازاى

صديقتي العزيزة اللون بيكون واحد بس حسب درجة شعرك وممكن تحّطي عليها زبادي مفيش مشكلة، وبالنسبة للبني الفاتح مينفعش بالحنة ممكن تستخدمي نوع صبغة كويس وتعملي ماسكات لتغذية الشعر بعدها، بالنسبة للأعشاب ممكن تكون الكاموميل والمريمية واللافندر بأنك تغليهم في مية وتاخدي الميه وتغسلي بيها شعرك

رونى مش عارفه اشكرك ازاى ربنا يخليكى لينا ممكن بس تقوليلى اسم صبغه ماركه كويسه ولو هعملها فى الكوافير اخلى باللى انه هيضيف عليها حاجه ولا ولو ضاف المفروض يضيف ايه؟ لانى خايف يضيف حاجه تكون مضره فنفسى اكون عارفه اقبل مااروح . رونى معلش سمعت ان فى كريمات تفتيح فرنسيه اسمها ايه ؟ وهل هى بتفتح البشره فعلا وهل ليها اضرار

صديقتي العزيزة ماركة باليت كويسة وغارنيه كويسه أستخدميهم من غير اضافات، وبالنسبة للكريمات انا مش بفضل كريمات تفتيح للبشرة ممكن تستخدمي الوصفات الطبيعية احسن

هاى رونى كنت عايزه اسال على ماسك الجرجير المطبوخ بزيت الزيتون انا هحطه على شعرى اد ايه واحطه كل يوم لمده 15 يوم يعنى الغى اى ماسك فى الفتره ديه

صديقتي العزيزة انتي هتستخدمي ماسك الجرجير كل يوم على جذور شعرك من غير ما تغسليه بس تغسليه مرتين في الأسبوع كالعادة، وتلغي اي ماسك في الوقت دة

رانيا انا استخدمت الجلسرين بالليمون وخليت الليمون زيادة الربع زى ما قولتى بس حسيت ان الليمون بيحرق ف جسمى وشطفتة ع طول دة شى طبيعى ولا انا جسم حساس من الليمون وياريت تقوليلى بديل لية لتفتيح جسمى ينفع انام بية 2شاورجل الحنة ينفع استعملة يوميا ليساعد ع التفتيح وكنت سمعت ان الحنة العادية دة فى منها انواع كتير ونفس اللون بس اللى بيفرق بينهم ريحتها ياريت تفيدينى وتردى عليا يا قمرررررررررررررررررررررر

صديقتي العزيزة طبيع يإن الليمون يحرقك شوية لكن لو أنتي مستحملتيش يبقى جسمك حساس، وده لينك فيه روتين تفتيح الجسم والبشرة

وبالنسبة للشاور جل ممكن تستخدمية يوميا مفيش مشكلة والحنة هي بتكون عند العطار وبتقولي له من غير إضافات

استاذه رانيا ممكن اعمل ماسك النشا واليمون واحتفظ بيه فى الثلاجه اسبوع مثلا ولا لازم استخدمه فى نفس اليوم

صديقتي العزيزة الأحسن أنك تستخدميه في نفس اليوم

روني حبيبتي انا سألتك قبل كده عن الجلسرين والليمون بس الرد مانزلش انا استخدمته على ايدي بصراحه اكتر من روعه بس هل ينفع احطه على بشرة وشي و انام بيه واغسله الصبح عادي ولا هيسمر وشي؟؟؟ وهل ينفع احطه في زجاجه برفان قديمه عشان ارش منه على ايدي؟؟؟ والكمية اللي اعملها ليها مده معينه للصلاحية ولا عادي لحد ماتخلص مني؟؟؟ مستنية ردك المره دي ياقمرايه

صديقتي العزيزة الأحسن إنك تستخدميه على إيدك وجسمك بس لأن بشرة الوش بتكون حساسة وممكن الليمون لما تنامي بيه يسبب لها التهابات، وعادي ممكن تحتفظي بيه في بخاخة زجاج بس تكوني واثقة أنها نظيفة جدا، وممكن تحتفظي بيه في الثلاجة عادي

ازيك يا رانيا شكرا على الحاجات الجميلة اللى بتقدميها بجد مفيدة جدا ممكن اسألك سؤال انا حامل وفى تغيرات فى جسمى منها ان الرقبة عندى لونها اغمق جدا فى حل ليها

صديقتي العزيزة ده شيء طبيعي، لكن متحاوليش تلعبي في اي حاجة لأنها ممكن تروح بعد الولاده ولو لسه موجوده بعد الولاده تقدري تستخدمي ماسكات تفتيح الكلف

جزاكى الله خيررااا يا رانيا ياقمر على كل الوصفات الهايله دى وبشكر كل فريق العمل :)

انا بعمل وصفة لتنعيم الشعر عبارة عن كميات متساوية من العسل والزبادى والزيت الزيتون ايه رايك فى الوصفة دى ؟؟؟؟؟؟؟؟؟ بالاضافة لمسكاتك بس ايه رايك فى الماسك دة

صديقتي العزيزة الماسك ده كويس ممكن تستخدميه

حضرتك قولتى قبل كدة ان ماسك المايونيز وحمام الكريم يكون حمام الكريم سادة وبعدين رجعتى قولتى ينفع استخدام حمام كريم بانويل طيب ازاى وحمام كريم بانويل بيبقى بالمشمش ومفيش منه سادة هو بيبقى بالمشمش

صديقتي العزيزة حمام كريم بوناويل موجود منه ساده، ولو مش لقيتيه ممكن تستخدمي دوف

رونى ايه رأيك ف لوشن فازلين موحد اللون هو بيفتح ؟ انا بستخدمه للجسم وبخرج ف الشمس هو مكتوب عليه فيه وقايه من الاشعه فوق البنفسجيه انا خايفه يسمرنى

وكمان هو لو انا سبته هيسمرنى ؟

صديقتي العزيزة ماركة فازلين كويسة وطالما مكتوب علبة واقي من أشعة الشمس أستخدميه مفيش مشكلة

استاذه رانياانا عندى مسام واسعه ممكن اخلى ليمون على بشرتى وانام والصبح اغسله واخرج فى الشمس ولا هسمر كده؟

وشكرا ليكى جداااوالله انا استفدت منك كتيييييييير

صديقتي العزيزة أنتي ممكن تستخدمي ماسك النشا والليمون اللي موجود في العدد ده هيكون كويس، وأنا مش بفضل الليمون تنامي بيه علشان ميعملش التهابات

سلام عليك انا سالت الصيدلي عن كريم lucocid اعطاني كريم تاني اسمو tritospot و قلي انو هما نفس الخلطة بس الاسم تغير هو دا صح يا قمرة انت يا رنوش

صديقتي العزيزة دي أسماء طبية وبيكون مفعولهم واحد بس اتاكدي انه يصلح للمناطق الحساسة، وممكن تستخدميه مفيش مشكلة

انت جميلة و حلوة و حبك لينا شرف كبير انا احبك مووووووووت

حببتي لو سمحت ازاي ممكن اعرف ان كريم TRITOSPOT يصلح للاماكن الحساسة مع العلم اني استعملت الكريم داه من حوالي شهر في الاماكن الحساسة الخاصة وكان كويس معايا بس بعدين صارلي التهاب بعد حوالي شهر دام حوالي يوم و دلوقتي صار احسن.هل ان الالتهاب دا عادي و لو ميش عادي ايه الحل

صديقتي العزيزة كريم تريتوسبوت أو أي كريم تفتيح للأماكن الحساسة بيستخدم لمدة شهر فقط

سلام عليكم ازيك يارونى وحشتنا جدا معلش بقا انا هتقل على حضرتك بس كان عندى سؤال انا بشرتى مش فاهمه هى نوعها ايه بالضبط مره تكون دهنيه وتتملى حبوب ومره تكون جافه ومقشره ومره تكون الاتنين مع بعض عاوزه اعرف نوع بشرتى ايه واعمل ايه مع الحفر اللى زادت ف بشرتى واعمل ايه ف القشره اللى ف وشى وخصوصا موجوده تحت العين مباشرتا وكمان ف خدودى وكمان فوق العين وكمان الحبوب واثارها مش عارفه ابدا ف روتين عشان مش فاهمه نوع بشرتى بالضبط واعمل ايه ف الالتهبات بتاعت الصيف والحر اللى بتسيب مكانها اثر واسمرار كبيره انصحينى يارونى معلش ياقمر طولت على حضرتك كتير بس ارجو الرد للضروره

صديقتي العزيزة ده لينك فيه خطوات بسيطة علشان تعرفي نوع بشرتك وبعد ما تعرفي نوع بشرتك إيه أستخدمي الروتين اليومي المناسب ليكي

ازيك يارنوش يارب تكونى بخير .....بصى ياحبيبى انا سمعت عن صنفرة فروة الرأس اللى بتتعمل فى المنتجعات الكبيره ...هل ممكن يتعمل فى البيت بأمكنيات بسيطه ممكن يعنى احط شوية ملح مع الشامبو وادللك بيه فروة الرأس؟؟؟؟؟

معلش سؤال تانى انا شفت طريقه لعمل جل للشعر عن طريق اضافة الجيلاتين لمنقوع بعض الاعشاب المفيده للشعر زى الروز مارى..... ايه رأيك فيها انا قريت كمان ان الجيلاتين مليان بروتين ومفيد للشعر؟؟؟؟ معلش ..اخر سؤال

ايه رأيك فى زيت فاتيكا بجوز الهند والاملا والليمون (اللى عبوته خضرا) سمعت ناس كتير على اليوتيوب يمدحونه.

صديقتي.. مينفعش تستخدمي اي حاجة على شعرك وكمان الملح ممكن ينشف الشعر لكن إنتي ممكن تستخدمي شامبو مناسب لشعرك هينضف فروة الراس كويس، وبالنسبة للجل الطبيعي دة ممكن تستخدميه مفيش مشكلة،

وبالنسبة لزيت فاتيكا أعرفي نوع شعرك إيه وبناء عليه أستخدمي الزيت المناسب لشعرك ولازم تعرفي إن اي زيت مينفعش يتساب على الشعر من غير غسيل ممكن تعمليه حمام زيت

بليز رانية ساعديني شعري دهني و يتساقط اعمل ايه و لو انا عملت حمام زيت دا بيزود دهونيته او لا جاوبيني بليز و شكرا

صديقتي العزيزة ده لينك فيه لوسيون الصبار للشعر المتساقط ممكن تستخدميه على شعرك

كنت عاوزة وصفة لتعطير الشعر وف نفس الوقت تكون مكثفة للشعر وتعالج القشرة ؟

صديقتي العزيزة أنتي ممكن تستخدمي مكعبات العطر وتمسحيها على شعر، واللينك ده فيه ماسكات لتغذية الشعر ومعالجة القشرة

رانيا بليز عايزه اعرف الوصفه بتاعت التوم المدقوق فى زيت الزيتون بعد منخليه شهر احط على شعرى الزيت ولا التوم؟؟؟

صديقتي العزيزة أستخدمي الزيت مع الثوم عادي على الشعر

لو سمحتى يا رانيا قوليلى على ماسكات تفتيح وترطيب وتنعيم ولمعان ونضاره وسنفره للبشره العاديه

صديقتي العزيزة أنتي ممكن تستخدمي الكريم اللي في العدد ده، واللينك دة فيه اسكراب الكركدية ممكن تستخدميه

استاذه رانيا انا عندى مسام واسعه واستخدمت لسيون قشر اليمون والبرتقال كويس بيضيق المسام لكن بينشف وشى و بيعمل قشره كتير مش بعرف احط ميكاب بعدها, وماسك الارز بردو بيعمل نفس الحكايه ,ارجو الرد

صديقتي العزيزة أنتي ممكن تستخدمي ماسك الليمون والنشا للمسام الواسعة اللي موجود في العدد ده

عفوا يا رونى انا مش بحط زيت بذر الكتان على الزبادى انا بحط بذر الكتان المطحون لونه بنى عامل زى جنين القمح كده ده كويس

2- احط ميه اد ايه على ربع كيلو ترمس عشان اخد الميه بتاعته ادهن بيها وشى وصلاحيتها هتكون اد ايه وانا اسفه يا رونى عشان اسئلتى الكتيره ارجو ما تكونيش مضايقه منى

صديقتي.. كده كويس مافيش مشكلة، حطي مية على الترمس تكون مناسبة يعني مقدار الترمس مقدار الميه مثلا، وممكن تحتفظي بالمية في التلاجة لمدة أسبوع